Red 2 me spote te reja televizive

Studioja “Summit Entertainment” ka mundësuar 2 spote të reja televizive plot me aksion e humor për “Red 2“. Komentet online flasin për një film më të mirë se filmi i parë. Ne jemi entuziastë për këtë sequel dhe shpresojmë të mos mbetet me kaq duke patur parasysh personazhet fantastike. Ky sequel vjen me regji të Dean Parisot dhe në kastin e aktorëve përfshin Bruce Willis, John Malkovich, Helen Mirren, Catherine Zeta-Jones, Anthony Hopkins, Byung Hun Lee, Mary-Louise Parker dhe Neal McDonough. Premiera e filmit do të shfaqet në ekranin e madh më 19 Korrik. Tek “RED 2″, filmi pasues i komedisë me aksion hit, ish-agjenti i operacioneve të errëta të CIA-s, tashmë në pension, Frank Moses ribashkohet me bandën e tij të operatorëve elitë si ai në pension, për të gjetur një pajisje nukleare të lëvizshme. Për t’ja dalë mbanë do të duhet ti bëjnë bisht vrasësve me pagesë, terroristëve të pashpirt dhe burokratëve të uritur për fuqi. Të keq armatosur dhe të paktë në numër, atyre do ju duhet të mbështeten tek dinakëria, stërvitja e shkollës së vjetër dhe tek njëri-tjetri teksa përpiqen të shpëtojnë botën dhe të mbijetojnë në të njëjtën kohë.Në vijim hidhini një sy dy spoteve të reja, pasi ne ende nuk dimë të përcaktojmë se cili do të jetë personazhi më gazmor.