Mberrin trailer i pare per Anchorman: The Legend Continues

Ishin vërtet kohëra të tjera kur filmi i parë, “Anchorman: The Legend of Ron Burgundy” u shfaq në ekranin e madh dhe që atëherë kanë ndryshuar shumë gjëra. Ndryshimet kanë prekur edhe ekipin e lajmeve të Kanalit 4. “Anchorman: The Legend Continues” na risjell Ron (Will Ferrell), Brian (Paul Rudd), Champ (David Koechner) dhe Brick (Steve Carell) duke mirëpritur vitet ’80 dhe duke u përballur me ndryshimet, midis të cilave renditen diversiteti në vendin e punës (përfaqësuar nga Meagan Good) dhe cikli 24 orësh i lajmeve (përfaqësuar nga Dylan Baker). Përpara se t’iu lëmë në shoqërinë e trailer-it, më poshtë hidhini një sy posterit më të ri, i cili vë qartësisht theksin mbi mustaqet e heroit tonë të filmit. Deri tani kemi patur disa trailer-a ngacmues për “Anchorman: The Legend Continues”, por videoja më poshtë prej 103 sekondash na sjell tërësisht pamje të reja nga filmi. Jo të gjitha batutat tingëllojnë të freskëta por humori dhe personazhet tingëllojnë po aq të origjinal sa dhe tek filmi i parë. Hidhini një sy në vijim!Trailer rithekson edhe një herë pavëmendësinë optimiste dhe njëkohësisht naive që karakterizon personazhin e Ron Burgundy dhe nëse edhe ju kishit menduar se Brick nuk ishte tipi romantik, duket se shumë shpejt do të ndryshoni mendim. Një nga aspektet pozitive që marrim nga trailer, mendojmë se është pikërisht marrdhënia e tij me personazhin e interpretuar nga Kristen Wiig. Wiig është vetëm një nga fytyrat e reja që do kemi mundësinë të shohim tek “Anchorman: The Legend Continues”. Harrison Ford, James Marsden, John C. Reilly dhe shumë të tjerë pritet të kenë role në film. “Anchorman: The Legend Continues” do të shfaqet nëpër kinema prej 20 dhjetorit. Mëposhtë mund ti hidhni një sy edhe sinopsit zyrtar të filmit: Me vitet 70 të lëna pas, spikeri më i njohur i lajmeve në San Diego, Ron Burgundy (Ferrell), i rikthehet ekranit tek “Anchorman: The Legend Continues”. Bashkë me të, në aksion rikthehet edhe gruaja e tij dhe njëkohësisht bashkëprezantuesja, Veronica Corningstone (Christina Applegate), njeri i motit Brick Tamland (Carell), reporteri i lajmit të fundit Brian Fantana (Rudd) dhe njeriu i sportit Champ Kind (Koechner) – të gjithë gati për të pushtuar vetëtimthi kanalin e parë me 24 orë lajme ne New York.