Pse Aurela Nuk Mori Pjesë Në Fushatë?

Derisa shumë nga këngëtarët shqiptar kanë marrë pjesë në koncertet e fushatës paragjedhore në Shqipëri,duke përkrahur parti të ndryshme, Aurela Gaçe ka refuzuar ftesat për një gjë të tillë: “Unë kam 13 vjet që nuk përfshihem fare në fushatë. Kam pasur kërkesa dhe ftesa nga miq, sepse duhet të keni parasysh që unë jam njeri dhe kam miq, nga të gjitha anët, nga të gjitha forcat politike, por u kam kërkuar që të mos më fusin në këtë bela, ose u kam thënë: “Duhet paguani aq shumë që të përdorni figurën time dhe unë të mos punoj për nja 4-5 vjet”. Po unë s’rri dot pa punuar, sepse kjo, e thashë, është kënaqësi shpirtërore e imja, kështu që kam zgjedhur të mos marr pjesë fare. Kam shumë miq nga të gjitha anët dhe nuk dua që t’i ngelet hatri askujt, ndaj kam zgjedhur të mos përfshihem. Vazhdoj atë punën time, jetën time,” ka thenë ajo. Megjithatë është dikush të cilit ajo s’i thotë dot “jo”: “ I vetmi personazh të cilit unë do t’i shfaqem në mbyllje të fushatës është një mik, të cilit i kam një borxh prej 13 vjetësh. Në koncertin tim të dytë recital, ka qenë i vetmi politikan, mik, që i është përgjigjur telefonatës sime për ndihmë. Sepse të bësh një koncert recital ka shumë harxhime, shumë, dhe prandaj nuk kam bërë një tjetër këto kohë, por do bëj së shpejti, jam e bindur. Me këtë forcë që kam në kokë, po nuk dola në skenë unë vdes shpirtërisht... Siç po thoja, më janë dashur shumë para, dhe e vërteta është që Arben Malaj ka qenë i vetmi që më është përgjigjur. Më ka ndihmuar dhe nuk ma ka zënë kurrë në gojë. Është treguar aq fisnik, sa asnjëherë nuk më ka kërkuar as edhe një nder dhe nuk e ka përmendur kurrë; qoftë në familjen e tij, qoftë në ambiente të tjera, nuk e kam dëgjuar njëherë që të thotë që, “unë e kam ndihmuar Aurelën”. Dhe për këtë fisnikëri që ka treguar ndaj meje, duke qenë se unë nuk i harroj njerëzit që më ndihmojnë, aty do të shkoj pa para o njerëz. Ai e ka bërë pagesën e tij përpara 13 vjetësh, e ka dhënë paradhënie, dhe më vjen mirë që është i pavarur, që ka dalë individ më vete, sepse unë do të shkoj ta mbështes si individ për atë që ai ka bërë për mua.” Gaçe ka theksuar se është mirënjohëse ndaj njerëzve që i kanë ndenjur pranë dhe kaq: “Sigurisht, thashë, nga të gjitha anët kam miq, por ky personazh është treguar shumë fisnik me mua dhe unë dua t’ia kthej fisnikërinë mbrapsht. Edhe Zoti thotë që mirënjohja është ajo që vlen më shumë.”